Inicio do Programa de Mellora das Competencias Persoais e Sociais en persoas con Trastorno Mental Grave para a correcta execución e mantemento dun posto de traballo
01/01/2025
O acceso e a permanencia no mercado laboral supoñen un factor clave de inclusión social, benestar e autonomía persoal. Conscientes das dificultades engadidas que atopan as persoas con Trastorno Mental Grave, poñemos en marcha este programa co obxectivo de reforzar e adestrar as competencias necesarias para o desenvolvemento e mantemento dun posto de traballo.
A través dun enfoque práctico, adaptado e progresivo, traballaremos habilidades sociais, capacidade de comunicación, xestión das emocións, organización das tarefas, resolución de conflitos e estratexias de afrontamento ante situacións de estrés.
Este programa pretende ser unha ponte entre a persoa e o ámbito laboral, favorecendo non só a empregabilidade, senón tamén o crecemento persoal, a mellora da autoestima e a integración activa na comunidade.
No responses yet